Mesazh reagues nga Kryetarit te Dhomes se Tregtise dhe Industrise Shqiperi -Turqi Z. Fethi KAYA.

Ndaj sulmeve te shemtuara te bera ne Parkun e Demokracise se 15 Korrit dhe memorialit Turk, mesazh reagues nga Kryetarit te Dhomes se Tregtise dhe Industrise Shqiperi -Turqi Z. Fethi KAYA.

Dhoma e Tregtisë dhe Industrisë Türqi-Shqipëri ( ATTSO), dënon ashpër sulmet e shëmtuara që janë bërë mbi flamujt Turq që ndodhen mbi tabelat në Parkun e Demokracisë së 15 Korrikut që ndodhet në Parkun e Liqenit Artificial në Tiranë.

Në këtë sulm janë copëtuar flamujt Turq dhe mosrespektimi i memorialit që mban emrat e Dëshmorëve Turq të Demokracisë është një situate teper e rëndë dhe e papranueshme nga ana jonë.

Në Shqipëri kanë ndodhur edhe më përpara sulme ndaj Simboleve Kombëtare Turke, por kësaj rradhe, po shohim me keqardhje që këto sulme, sikur të ishin duke shtypur një buton të vetëm, janë provokuar nga individë dhe organizata për të cilat kuptohet se ishin të lidhur me FETÖ.

Ne si ATTSO, shohim se në Shqipëri janë bërë publikime që inkurajojnë këto sulme, nga media e shkruar si dhe në median e internetit.

Ne dënojmë dhunën, pikëpamjet dhe kritikat si dhe të gjitha këto shkrime që përmbajnë gjuhën e urrejtjes kundër Turqisë dhe Qeverise Turke.

Me këtë rast ftojmë personat e përgjegjshëm si edhe gjithë popullin Shqiptar i cili me lidhjet miqësore të vërteta i ka qëndruar pranë Turqisë, të dënojnë këto veprime dhe thënie.

I bëjmë thirrje Qeverisë Shqiptare dhe Autoriteteve që të marrin menjëherë masat e duhura për t’i dhënë fund sa më shpejt që të jetë e mundur këtyre veprimeve të urrejtjes dhe gjuhës së urrejtjes në drejtim të Turqisë.

Vlera nominale gjithsej e shërbimeve kontraktuale dhe investimet e kryara në Shqipëri nga Institucionet dhe Shoqëritë Turke ka kapur vlerën deri në 3 miliard Euro. Me këto shifra Turqia është Investitori më i Madh i Huaj në Shqipëri.

Investimet Turke në Shqipëri mbulojnë të gjitha fushat e ekonomisë duke filluar nga bankat, telekomunikacioni, shërbimet e infrastrukturës, portet, aviacioni civil, ushqimi, energjia, arsimi, bujqësia, minierat dhe industria.
Shoqëritë Turke kanë krijuar punësim për afro 15,000 vëllezër shqiptarë.

Në vitin 2018, nga tregtia e përbashkët u kap vlera 520 milion Dollarë Amerikanë, Turqia është Partneri i 3’të më I madh i Shqipërisë. Përveç kësaj, Turqia është një vend që pranuar si Partner Strategjik nga ana e Qeverisë Shqiptare.

Duke marrë parasysh të gjitha këto, janë ta pashmangshme efektet në Shqipëri kur ndodhin zhvillime në Turqi si dhe efektet në Turqi kur ndodhin zhvillime në Shqipëri.

Administrata ATTSO dhe Anëtarët e saj mbështetën hapjen e Parkut Demokracia e 15 korrikut, i cili u përurua në Tiranë një muaj më parë, dhe me krenari mori pjesë në ceremoninë e hapjes.

Përpjekjet e pabesa për grusht shteti që ndodhën para 3 vjetësh në Turqi, kanë mërzitur dhe trishtuar thellë të gjithë Shqiptarët që mbartin ndjenjat e miqësisë së sinqertë dhe të vëllazërisë me Turqinë.

Përveç kësaj, jemi në dijeni se disa të ashtuquajtur qarqe ultra-nacionaliste ne Shqiperi, duke dashur të krijojnë qarqe kundra Turqisë, kanë lënduar thellë biznesmenët më rrënjë Shqiptare të cilët punojnë dhe ushtrojnë akoma aktivitetin e tyre në Turqi të qetë, kanë mërzitur edhe botën e biznesit.

Gjithhmonë Shqipërinë e kemi parë si vend mik e vëllazëri, dhe mund të themi se kjo urrejtje ndaj Simboleve Kombëtare dhe shpirtërore të Turqisë është e neveritshme dhe sulmet e kryera, në periudhën e ardhshme të marrëdhënieve Shqipëri-Turqi, mund të dëmtojnë në marrëdhëniet ekonomike dhe tregtare në interest ë Shqipërisë.

Share This:

Ndyshimet në Bordin Drejtues së Dhomës së Tregtisë dhe Industrisë Shqipëri – Turqi (ATTSO)

Gjatë takimit të Bordit Drejtues së Dhomës së Tregtisë dhe Industrisë Shqipëri –Turqi organizuar në muajin Korrik, është zgjedhur Kryetari, Zv. Kryetari dhe Sekretari i Përgjithshëm i ri i Dhomës. Roli i Kryetarit i është besuar z. Fethi Kaya, Administrator i Kompanisë TURALB Shpk, Zv.Kryetari i ri i Dhomës është zgjedhur z. Fahir Tatar, Administrator i Kompanisë FMT Group, ndërsa Sekretar i Përgjithshëm është emëruar z. Ertan Güngör

Në ëmër të Dhomës dëshirojmë t’i shprehim mirënjohje ish – Kryetarit z.Seyhan Pencaplıgil  dhe ish-Sekretares të Përgjithshme Znj. Erinda Zhupani për kontributin, mbështetjen dhe përpjekjet e përkushtuara për të fuqizuar ATTSO dhe për ta kthyer atë në një qëndër tërheqëse për komunitetin e biznesit turk dhe shqiptar.

I urojmë suksese drejtuesve të rinj të Dhomës.

Share This:

Takim lidhur me MTL’në Shqipëri – Turqi

Në datë 28.05.2019 pranë ambienteve të Dhomës së Tregtisë dhe Industrisë Shqipëri-Turqi (ATTSO) u mbajt takimi i radhës për Marrëveshjen e Tregtisë së Lirë (MTL) midis Shqipërisë dhe Turqisë. Takimi kishte në fokus temën e liberalizimit të tregut për produktet bujqësore dhe eksportimin e tyre drejt tregut turk. Gjithashtu u diskutua edhe për problematikat dhe vështirësitë që hasin kompanitë shqiptare për eksportimin e produkteve drejt Turqisë. Në mbledhje ishin pjesëmarrës përfaqësues nga Ministria e Ekonomisë dhe Financave, Ministria e Bujqësisë dhe Zhvillimit Rural, Autoritetit Kombëtar i Ushqimit , Unioni i Dhomave,Shoqata dhe Dhoma Tregtare si dhe kompani të ndryshme.

Share This:

Ministri i Sipërmarjes viziton FMT Group

Ministri i Shtetit për Mbrojtjen e Sipërmarrjes të Republikës së Shqipërisë z. Eduard Shalsi, vizitoi kompaninë anëtare të bordit drejtues së ATTSO, FMT Group. Kompania në fjalë, prej vitit 2003 operon në tregun shqiptar në fushën e gjeneratorëve. Produket e prodhuara nga kompania FMT, mbajnë markën “Made in Albania” dhe aktualisht eksportohen në shtete si: Kosovë, Mali i Zi, Greqi, Rumani, Kroaci, Angli, Portugali, Libi, Pakistan, Afrikë Qendrore, Beliz, Rusi,  Tunizi etj.

Ministër Shalsi u mirëprit nga stafi i FMT Group ku u bë një prezantim i shkurtër të kompanisë dhe aktivetiteve të tyre, nga ku ai ofroi mbështetjen e tij për çdo nevojë të kompanisë me qëllim që të rrisë aktivitetin dhe eksportin e saj dhe të ofrojë sa më shumë vende të reja pune.  Ndërsa  CEO i kompanisë FMT Group z. Fahir Tatar shprehu falenderimet për vizitën e Ministrit pranë ambienteve të kompanisë dhe mbështetjen që ai ofroi. Pjesë e takimit ishte dhe Atasheu i Tregtisë pranë Ambasadës Turke në Tiranë Z. Halis Kaya.

Share This:

Grupi i Grave Sipërmarrëse të ATTSO, shpërndau pako ushqimore me rastin e Muajit të Ramazanit!

Grupi i Grave Sipërmarrëse të Dhomës së Tregtisë dhe Industrisë Shqipëri-Turqi (ATTSO), me pjesëmarrjen e gruas së Ambasadorit të Republikës së Turqisë znj. Ayşegül Erdal Yörük, njëkohësisht Kryetare Nderi e këtij grupi, shpërndanë 50 paketa ushqimore për familjet në nevojë në fshatin Vilëz të Shqipërisë me rastin e Muajit të Shenjtë të Ramazanit. Fshati Vilëz kishte një bukuri natyrore të rrallë, por infrastruktura e dobët e rrugëve e bënte të vështirë kalimin në atë vend. Grupi i Grave Sipërmarrëse të ATTSO ka ofruar në muajt e fundit ndihma të ndryshme në Shqipëri për familjet në nevojë dhe personat me aftësi të kufizuara.

Share This:

Takimi me Këshillin e Investimeve

Me datë 17 Maj 2019, Sekretariati i Këshillit të Investimeve organizoi një mbledhje konsultuese në nivel teknik “Mbi Stimulimin e Investimeve dhe Sigurinë Juridike të Pronës”, me pjesëmarrjen e rreth 25 përfaqësuesve nga institucione shtetërore, kompani private, shoqata biznesi, dhoma të tregtisë, bashki, ekspertë, etj.  Në mbledhje u diskutua rreth gjetjeve paraprake dhe rekomandimeve të mundshme për ndërhyrje të hartuara në bashkëpunim të ngushtë me partnerë të ndryshëm biznesi. Pjesëmarrëse në mbledhje ishte edhe Sekretarja e Përgjithshme e ATTSO’së.

Share This:

Info rreth Panairit Ndërkombëtar “VIV TÜRKİYE 2019”

Të nderuar anëtarë të ATTSO,

Në datat 12-15 Qershor 2019, me mbështetjen e Ministrisë së Tregtisë Turke, do të organizohet në Stamboll Panairi Ndërkombëtar “VIV TÜRKİYE 2019” në lidhje me pularinë dhe teknologjinë e këtij sektori.

Bashkëlidhur mund të gjeni informacionin e detajuar rreth Panairit dhe formularin e aplikimit.

Për dijeninë tuaj.

Me respekt,

njoftim panairi firmave te interesuara

Share This:

Info rreth Panairit Ndërkombëtar të 26-të

Të nderuar anëtarë të ATTSO,

Në datat 23-26 Nëntor 2019, me mbështetjen e Ministrisë së Tregtisë Turke, Dhoma e Tregtisë së Stambollit organizon në Tiran Panairin Ndërkombëtarë të 26-të.

Bashkëlidhur mund të gjeni informacionin e detajuar rreth Panairit dhe formularin e aplikimit.

Për dijeninë tuaj.

Me respekt,

26. Uluslararası Fuarı Katılım Sözleşmesi

Share This:

TAKIMI I ASAMBLESË SË PËRGJITHSHME TË ATTSO, 2019

Në datën 25 Prill 2019, u mbajt takimi i Asamblesë së Përgjithshme të Dhomës së Tregtisë dhe Industrisë Shqipëri – Turqi (ATTSO). Pjesë e takimit ishin; Ministri i Shtetit për Mbrojtjen e Sipërmarrjes z. Eduard Shalsi, Ambasadori i Turqisë në Tiranë SH.T.Z. M. Ahmet Yörük, Kryetari i Odës Tregtare Kosovaro – Turke z. Abdurrahman Balkız dhe Anëtarët e Bordit Drejtues të saj, Anëtari i Këshillit Drejtues të Bashkimit të Dhomave dhe Bursave të Turqisë z. Ömer Zeydan si dhe anëtarë të ATTSO.
Kryetari i Bordit Drejtues të Dhomës Tregtisë dhe Industrisë Shqipëri – Turqi (ATTSO), z. Seyhan Pencablıgil, u shpreh se ATTSO me 60 anëtarët e saj, ka arritur të jetë një organizatë jo-qeveritare nga më të rëndësishmet në vend dhe se ndihet krenar për kontributin e Dhomës në ekonominë shqiptare. “Detyra jonë është të çojmë akoma edhe më tej marrëdhëniet tregtare dhe industriale mes dy vendeve tona mike si Turqia dhe Shqipëria” tha ai.

Ndërsa Ambasadori i Republikës së Turqisë në Tiranë z. Yörük theksoi se: “Duke llogaritur edhe iniciativat e kohëve të fundit të kompanive tona në fusha strategjike si transporti ajror, arsimi dhe shëndetësia, vlera në treg e investimeve turke në Shqipëri, përfshirë shërbimet e sipërmarrjes, po i afrohet tre miliardë dollarëve. Këto investime janë një kontribut i rëndësishëm për prodhimin, punësimin dhe eksportin shqiptar. Numri i vëllezërve tanë shqiptarë të punësuar në firmat prodhuese turke në Shqipëri po i afrohet 15 mijë vetëve, ndërsa eksportet e tyre arrijnë në rreth 240 milionë dollarë. Vitet e fundit po vërehet një zhvillim i vrullshëm edhe në marrëdhëniet tregtare dypalëshe. Vëllimi ynë tregtar vitin e kaluar u shtua afër dhjetë për qind dhe arriti në 520 milionë dollarë”.
Anëtari i Këshillit Drejtues të Bashkimit të Dhomave dhe Bursave të Turqisë (TOBB) z. Ömer Zeydan shprehu falendërimet e përzermërta për ftesën dhe shtoi se: “Turqia i jep shumë rëndësi marëdhënieve me Shqipërinë. Historia, kultura, traditat dhe zakonet tona ushqehen nga i njëjti burim. Në të njëjtën kohë duam që edhe marëdhëniet ekonomike të dy vendeve tona të forcohen akoma edhe më shumë. Për këtë arsye, duhet të punojmë më shumë në mënyrë që të hidhen hapa konkrete në investimet dhe marrëdhëniet tregtare dy palëshe.”

Ministri i Sipërmarrjes Z. Shalsi, u shpreh se miqësia shqiptaro-turke daton shumë larg në kohë dhe se Turqia është një partner strategjik i Shqipërisë. Ai shtoi se Shqipëria po përpiqet që ta shndërrojë administratën publike në partnere reale të biznesit dhe se prioritet i punës është komunikimi me biznesin. “Ftesën e sotme e pranova me kënaqësi për të treguar se jemi pranë jush”. Ai e mbylli fjalimin e tij duke thënë se bizneset turke janë një komponent i pazëvendësueshëm në ekonominë shqiptare.
Kryetari i Odës Tregtare Kosovaro – Turke z. Balkız shprehu kënaqësinë e tij për marrëveshjen e bashkëpunimit të nënshkruar me ATTSO’n dhe shtoi se synimi i kësaj marrëveshje do të jetë përmirësimi i marrëdhenieve bashkëpunuese me vendet e rajonit.

Mbas fjalimeve të hapjes, u kënduan himnet kombëtare të të dy shteteve, dhe më pas u vazhdua me punimet e Asamblesë.
Në fund u organizua një koktejl, ku përveç anëtarëve të Dhomës morën pjesë edhe përfaqësues të institucioneve të ndryshme, partnerë dhe miq të ATTSO’s.

Share This:

Grupi i Grave Sipërmarrëse të ATTSO në ndihmë të femijëve jetimë

Me rastin e vizitës së prefektit së Edirnes z. Ekrem Canalp, Ambasadori i Republikës së Turqisë në Shqiperi z. Yörük dhe Kryetarja e Nderit e Grupit të Grave Sipërmarrëse të Dhomës së Tregtisë dhe Industrisë Shqipëri – Turqi (ATTSO) Znj. Ayşegül Yörük, dhe Zv.kryetarja Eni Xheko morën pjesë në ceremonin e shpërndarjes së këpucëve dhe të rrobave për fëmijët jetime organizuar nga Fondacioni ALSAR.

Për 500 femijë jetim të Fondacionit ALSAR, u shpërndanë veshëmbathje dhe këpucë të dhuruara nga Prefektura e Edirnesë.

Share This: