Një delegacion i Dhomës së Tregtisë Maqedoni-Turqi (MATTO), zhvilloi një vizitë në Shqipëri, ku ka realizuar disa takime me zyrtarë të vendit, por edhe përfaqësues nga shoqatat e biznesit.
Një ndër takimet e realizuara të martën është edhe ai mes kryetarit të bordit të Dhomës së Tregtisë dhe Industrisë Shqipëri-Turqi (ATTSO), Seyhan Pencabligil dhe kreut të bordit të MATTO-së, Tuna Eyüp Kahveci.

Takimi u mbajt në zyrat e ATTSO’s  në Tiranë, ku i pranishëm ishte edhe ambasadori i Turqisë në Shqipëri, Hidayet Bayraktar, etj, ndërsa temë kryesore e takimit ishte rritja e bashkëpunimit midis dy dhomave, u diskutua gjithashtu për ngritjen e një platforme të përbashkët për koordinimin e investitorëve në Ballkan.