PricewaterhouseCoopers(PwC) është lider i ofrimit të shërbimeve profesionale në botë, me një rrjet firmash në 156 vende të botës dhe me mbi 295,000 punonjës, që ofrojnë shërbime të konsulencës financiare, fiskale, ligjore dhe të auditimit.

PwC Shqipëri ka praninë e saj në vend që nga viti 2005 - si pjesë e rrjetit global të firmave PwC.  Ekspertët tanë në Shqipëri ofrojnë shërbime të përditshme për klientët tanë në industri të ndryshme - duke përdorur ekspertizën e tyre dhe kompetencën ndërkombëtare.

PwC Shqipëri e konsideron si misionin e saj që t'i ndihmojë klientët në zgjidhjen e problemeve komplekse - duke ofruar shërbime të cilësisë sa më të lartë. Klientët e PwC Shqipëri janë kryesues në tregun shqiptar dhe ndërkombëtar. Për t'u shërbyer sa më mirë klientëve tanë, PwC Shqipëri aspiron që të kuptojë sa më mirë biznesin e klientit dhe specifikat e industrisë në të cilën operojnë.