Sekretarja e Përgjithshme e ATTSO’s Znj. Erinda Zhupani, gjatë periudhës 16-20 Korrik 2018, me qëllim forcimin e mëtejshëm të marrëdhënieve tregtare midis Shqipërisë dhe Turqisë si dhe vlerësimin e mundësive të investimeve, u takua me përfaqësuesit e  Bursës, dhe Dhomave të Tregtisë dhe Industrisë në Ankara, Eskişehir, Bursa dhe Stamboll. Gjatë takimeve, përfaqësuesit e institucioneve, shkëmbyen informacione  rreth sipërmarrjes dhe inovacionit dhe shprehën se bashkëpunimi i mëtejshëm midis dy institucioneve  do të luajë një rol kyç në marrëdhëniet midis dy vendeve tona, me rezultate të frytshme.

Disa nga aktivitetet që u diskutuan ishin; organizimi i takimeve me temë “Dita e Shqipërisë’’  për të eksploruar mundësitë e investimeve në Shqipëri, nënshkrimi i protokolleve  të binjakëzimit, organizimi i misioneve të biznesit si dhe shkëmbime delegacionesh. Besojmë se këto projekte të përbashkëta do të shërbejnë në thellimin e bashkëpunimit dhe në forcimin e mëtejshëm të lidhjeve vëllazërore midis dy vendeve tona.