PwC Albania në tetor të këtij viti është anëtarësuar në Dhomën e Tregtisë dhe Industrisë Shqipëri-Turqi.
Në Shqipëri, PwC Albania, pjesë e rrjetit ndërkombëtar të kësaj shoqërie, ofron një gamë të plotë të shërbimeve profesionale në fushën e auditimit, taksave dhe këshillimeve financiare për klientë vendas dhe investitorë të huaj.
Me rastin e këtij anëtarësimi, PwC organizoi në Tiranë, 22 nëntor 2017, një pritje për anëtarët e dhomës. Në këtë pritje morën pjesë shoqëri turke dhe shqiptare që investojnë dhe operojnë në Shqipëri. Z. Seyhan Pencapligil, CEO dhe anëtar i bordit të Bankës Kombëtare Tregtare, mbajti fjalimin hapës ku edhe prezantoi PwC, si anëtaren më të re të dhomës.
Fjalimin përshëndetës për PwC e mbajti zj. Loreta Peci, Drejtuese e Përgjithëshme e PwC për Shqipëri dhe Kosovë. Zj. Peci informoi të pranishmit mbi “Turkish Desk”, nismën më të re të PwC në rajonin e Evropës Qendrore dhe Lindore (CEE), e cila ka për qëllim t’iu ofrojë asistencë bizneseve turke që investojnë në Ballkan.
Pjesëmarrësit patën mundësinë të njihen me shërbimet klasike që ofron PwC, si dhe me ato më të rejat të prezantuara për t’iu ardhur në ndihmë bizneseve në kontekstin e ndryshimeve të standardeve dhe legjislacionit vendas dhe ndërkombëtar, të cilat priten të kenë ndikim të konsiderueshëm në aktivitetin e bizneseve në Shqipëri.