Z.Altin Furtuna është larguar nga detyra e Sekretarit të Përgjithshëm pranë Dhomës së Tregtisë dhe Industrisë Shqipëri – Turqi dhe në vend të tij është emëruar Znj. Erinda Zhupani. Erinda ka mbaruar studimet e larta për Inxhinieri në Universitetin Egje në Izmir të Turqisë dhe zotëron gradën master në Menaxhim Biznesi. Është njohëse shumë e mirë e gjuhëve Turqisht, Anglisht dhe Italisht. Vjen në këtë detyrë pas një eksperience disa vjeçare si eksperte ekonomie në Zyrën e Tregtisë së Jashtme Turke dhe më pas si koordinatore e Dhomës.
Duke e falënderuar Z. Furtuna për të gjithë punën, përpjekjet dhe përkushtimin e treguar në realizimin e detyrave në emër të Dhomës, i shprehim Znj. Zhupani urimet më të përzemërta dhe i urojmë suksese në detyrën e re.